今次檢查比上次重了0.2KG(即係70.2KG),血壓,心跳,同尿尿都好正常,都只係腳腫啫,不過都好過之前少少嫁啦!之前連著拖鞋都有D果難,而家好好多LU~姑娘話如果下星期一再檢查都未生得會安排見醫生!小豬B你快D出世啦~係咪在我肚內好食好住唔想出黎呢!我唔比好野你食嫁,你出黎咪可以食到美味既母乳囉!HAHAHA!我唔想下星期一再檢查啦!你快D出世啦!

原來我自己早於一星期前發覺隻腳按下去痛,成日以為自己唔知幾時整親,後來先發現可能係因為隻拖鞋太緊,整瘀左隻腳都唔知,後來同老公換左隻拖鞋黎著就好好多啦!HEHEHE

昨晚老公發了很多夢,有一個夢幾好,就係幫小豬B諗到個名,幾好嫁~好特別,又有意思,唔知到時可唔可以在出世紙上見到呢!

今早到母嬰健康院參加嬰兒沐浴樂的講座,也算多人,當中還有一個男醫生,他木口木面的~有的和老公一起參加講座添!因老公放不到假,所以無辦法啦,要自己一個聽吧!

首先準備物品有：

1. 沖涼液

2. 大毛巾1-2條

3. 紗巾1條

4. 凍滾水弄濕的綿花球最少8個(眼睛每邊一個，面珠至下巴每邊一個，額頭至面尖每邊一個,最後在耳瞉及耳背也要每邊一個)

5. 凍滾水弄濕的綿花捧2支

6. 凍滾水弄濕的綿花/ 濕紙巾(用來抺PAT PAT)

7. 用來放4-6物品的器皿(兜仔)

8. 浴盆

9. 衫仔(如果2件或以上,請預先套好)

10. 凡士林

11. 尿片

12. 暖爐 (冬天時使用)

13. 潤膚霜 (乾燥等，需要時用)

方法

沖涼時間(飯前)─ 冬天 (下午有陽光時，關窗，開暖爐)

                          ─ 夏天 (下午或晚上均可，關窗)

1.     當準備好以上的物品後， 先放凍水後加熱水，水位都BB的肚臍左右(當BB大些，自己又熟習幫佢沖涼可放多些水)，用手肘試水溫

2.      把大毛巾放在桌上，再把BB放在大毛巾上，把BB包好身及腳

3.      左手從後扶住BB的頭仔及頸，右手捉住BB腳仔，把腳仔放在自己液下夾實，再用右手(或用紗巾)弄濕BB的頭仔，用少少沖涼液，之後過水洗淨，略略抺乾頭仔。

   (如果手大可以用左手把BB的耳仔反起，避免有水入耳)

   (另外，如有頭泥(是BB的油脂造成的)，需於洗澡前1-2小時用橄欖油塗整個頭仔，過幾日後會一片片地脫落)

4.      放回桌上，脫尿片，如有便便，需用凍滾水弄濕的綿花或濕紙巾清理好。左手從後捉住BB的左手手臂，左手的前臂應剛好托著BB的頭和頸的位置。右用便捉住雙腳或右用從底部捉住BB的左腳的大腿，剛好托住BB的右邊大腿。

5.      放BB落水，小心清洗BB的摺著的地方(例如頸下、手臂、手趾、腳肘、腳趾、陰道和大腿之間)

6.      到清洗背部，小心用右手捉住BB左手的前面手臂，托住BB的頭和頸部位置，左手扶住PAT PAT，把BB反過來，幫BB洗背部及PAT PAT。

7.      洗好再將BB反回面向上，左手從後捉住BB的左手手臂，左手的前臂應剛好托著BB的頭和頸的位置。右手扶住PAT PAT，之後可以用右手捉住腳仔上水。

8.      放BB在大毛巾上抺乾身體，用凍滾水弄濕的綿花球抺好眼仔(由內至外)，面珠仔至下巴，額頭至面尖，耳瞉及耳背 (以上到是左右各一個綿花球，一次性地抺，不要重覆來回抺)*抺面仔有點似平時大人洗面的步驟。

9.      幫BB的PAT PAT塗上薄薄一層凡士林，防止PAT PAT紅(現在不會用爽身粉，因為尿尿和爽身粉相遇時，像麵粉一樣”痴”住PAT PAT會令PAT PAT變紅)，包好尿片。

10.  用凍滾水弄濕的綿花棒(以前用火酒抺，而家凍滾水便可)抺乾淨肚臍(臍帶底部)，直至分泌物減少為止，所以可能需要數根綿花棒。(每次綿花棒只可抺一個圈)

11.  天氣乾燥或有需要時可幫BB塗上潤膚霜，之後再放BB在預先套在一起的衣服上。

12.  著衫仔 ─ 可先著左邊先(隨個人喜歡)

自己用手(如左手)捉著BB的左手，而自己另一隻手(右手)用三根手指(母指、食指，中指)放在BB的衫袖口取之前用左手捉著BB的左手(用來固定BB的手仔，防止自己大力弄傷BB的手)，用自己的左手慢慢把衣服套弄下去。

右邊也是這樣做。

13.  把BB的衣服綁好，便完成了。

14.  如有鼻屎，可把綿花弄濕，猜成"鑼"旋形，沾出鼻屎，如果唔得就唔好整啦!

*BB如果打咳嚏是正常，原因是BB未有鼻毛，當有塵時，便會有此自然反應。

**另外，若流眼水和鼻水同時出現也是正常。

***還有，要知BB夠唔夠暖，只要摸BB的手心或腳心是否暖(手指或腳趾冷也是正常，原因是血液未必流到這些位置，只要手心或腳手暖便可)，若頸等位置"痴泣泣"便是過熱了。

今天只有我獨個兒去到母嬰健康院檢查，感覺很興奮，又再一次碰到IVE的舊同學，她和她的媽媽或奶奶坐在我的前一行，無意間聽到她說已經三十七週了，下星期已經三十八週，她的BB已經落了產道的五分之幾了，估不到她的預產期比我早那麼多，之前還想會不會在產房見到她呢?但現在知道了，便不想在產房見到她，原因是我見到她一是我早產，一是她遲產，我不想看到這個局面。

到了摸BB的大小及轉同的時候了，姑娘說BB大小沒有問題，心跳正常，頭仔也轉了(姑娘認真地摸了兩次，可能她怕自己摸錯吧！)BB個頭轉了很開心呀!等了一會又到另一間房見姑娘，姑娘一見到我便說你還穿牛仔褲，我說這是大肚褲呀─我還"軒"起小小件衫給她看，哈哈！她說我的體重增長非常好，現在已經是66.9KG了，比上兩星期重了約1KG。而BB的頭仔到三十四週才轉定，心想我在網頁都已經看過很多資料，所以都明白了。很快便可以約三星期後檢查啦!(原本應該是兩星期一次的，但剛下星期是復活節假期，再下星期會很多人檢查的，所以姑娘見我各樣都非常正常，所以建議我三星期後才檢查吧！)

檢查完畢後，便等一會的母乳講座，先看影片、再看投影片、之後姑娘再略加解釋和示範，待姑娘示範完畢後，我們便可以穿著一條圍裙，上面做了一個小手工，你們估一下是什麼手工吧！哈哈~再拿起人型公仔跟著姑娘做一次，姑娘再看看姿勢是否正確，估不到我都幾熟手，一抱就成功，就是這樣就完成了一個講座了。之前還怕自己不太明白，但原來也不難的，希望都真實的情況也做得好!

返到屋企上網睇，D人話一般廿九週或三十週已經轉左，但可能會再反轉向上的，因為個肚仲有位，有D人呢就都三十四週先轉，睇完之後都無咁擔心，應該話我唔擔心，相反我老公擔心D~HEHEHE!

老公好好呀,生日同我去左BBQ,之後上星期又去左食壽司~各位唔好見到我打壽司和BBQ兩樣就嚇親,因為BBQ唔會燒到好燶,我實在忍得太辛苦,妞左好耐計嫁啦hehehehe。至於食壽司就係去屯門卓爾居果間名將,先黎一碗烏冬,再叫左d熟既壽司,老實講見到d三文魚、墨魚、蟹子、海膽呀,好慘呀~有得睇無得食!不過都好過無啦~止住引先kakaka~

仲有一個願望就係去唱k,趁而家做緊七折,遲下會去的~到時阿b又唔知會唔會起勁地踢我呢~講開阿b踢踢,上星期六晚上睇海角七號踢到我老公都話佢勁,我就覺得有d辛苦,不過又好開心~佢活潑我就開心^^

阿b仲有三個月就出世啦,今日開始準備走佬袋,執執下都幾大袋,我諗有d份量要減半先得~

(閱讀全文)

食飽飽就去檢查了,1號房驗尿、磅重、量血壓,又重左2公斤左右,小便正常,再去2號房聽心跳,等待途中仲見到以前IVE F.C.的同學,我雖然唔記得佢叫咩名,但見到佢張表先知佢個中文名,我同佢打左招呼都未問佢幾時預產期就到佢聽心跳LU,HAHAHA^^到我啦,我同姑娘講昨天開始好似感覺BB動少左,佢話應該正常有10次,之後話可能要見醫生,心跳正常,再去3號房見姑娘,佢又話而家呢個週數無定義動幾多下,如果擔心就按排我去見下醫生,我又話早上小便較深色,又話正常,同佢講埋要產前運動的單張,佢有畀我,但態度麻麻,問我仲有無野要問呀,呢個姑娘頂佢唔順囉,之後話畀我知個血壓有D高,叫我再量過,量完就無問題了,再等一陣見醫生~

到見醫生,入到房有3個咁多,我估一個有經驗,兩個應該係剛畢業既,講左畀佢地知我BB好似動少左,同埋小便既問題,小便就話如果只係早上一次係咁就OK,望下我隻眼仔有無黃,無黃即無肝病,BB動少左就話BB都太細了,同埋而家無定義動幾多下,如果發覺無動就去急症室,之後醫生再聽下BB的心跳都正常,之後走得,6星期後再檢查~

上次的事已經解決了,謝謝關心~

她和我們一樣都想女多過男，hahaha，結為金蘭姊妹?^^好搞笑~

很多時候只有我感覺到，但一放雙手在肚皮上又未必感覺到，真的要天時地理人和的，呵呵^^好像老公感覺到bb動之後的一天，我的手就感覺到bb今次不是feel到他的手仔，而是好大的物體，好像是他的頭或pat pat，因為真係好大嫁，同平時好唔同的~

點知等左成個幾鐘都未到我地,人就只餘下我地,和另外兩位女仕,終於到我地啦~
醫生見到我地,就問我地黎睇咩,我話照超聲波,我諗我約左你十一點十五分,而家都成十二點半過d啦,先至到我,你乜都唔知,d細點做野嫁.
之後問最後一次m幾時黎呀,我講唔記得,講預產期可以嗎,講左預產期,個女醫生就話我最後一次經期黎係2月,我眼都突埋,心諗懷孕不是十個月嗎?點解會變左十六個月,之後個女醫生又話應該四月,聽到呢度我覺得係咪黎錯左,點解個醫生咁唔專業嫁,咁都計唔到~我地等左咁耐,竟然係一個咁樣既醫生,真係頂佢唔順~仲有呀!佢計我而家幾多週既時候,連加減數都計錯,數又數錯,話我係十八週,我話唔係十九週先啱!呢樣都唔係d乜,等左咁耐,佢就講完呢d費話,就叫番我地出去等,話照超聲波係第二間房~好再等多你一次!

(閱讀全文)

呢幾日睇下d網先知原來在香港政府生bb如果無咩事未必會幫你照超聲波的,好彩我趕得切,黎緊星期六就19週,剛剛好,因為18-20週照2d係最好的~

後來takako問我有無驗到唐氏綜合症,我先發覺原來屯醫只係會幫三十五歲或以上的孕婦驗,而三十五歲以下就要自己到私家診所驗,oh~原來已經過左驗呢樣野的最佳時間!仲傻下傻下添~