文章分類: 生活 (I'm WINNIE)

昨晚的怪夢

time02005 — Thu, 21 May 2009 17:44:16 +0800

昨晚發了一個怪夢，夢見已過身的嫲嫲，笑容滿面的~HAHA!

近日睇番老公寫的舊網誌，真在令人回味一番!發現原來有些往事忘記了，看回日記後勾起不少回憶!

今年的英文會考(5月8日及9日)

time02005 — Fri, 08 May 2009 16:38:17 +0800

今年原本打算考番會考的(特別係英文科)，但由於知道有左小豬B，預產期是六月之後就退出左了，不過我老公、朋友阿WING、PINKY、JESSICA同大老英，佢地就有考啦!希望佢地都能夠順利過關啦!HAHAHA!

平安包

time02005 — Sat, 02 May 2009 16:09:49 +0800

雖然前年去過長洲睇過太平清醮，但由於買唔到平安包，所以都好想去多一次試下的~今年因為有左BB所以就無去到啦~而老公很好呀!為左滿足我既慾望，他托他長洲分行的同事買左個平安包匙扣比我，開心死囉!HEHEHE!個包好得意嫁，軟綿綿的，好玩到唔知點形容!

當日晚上去到元朗一家酒樓慶祝母親節，除左媽咪、爸B、靚妹，仲見到好耐無見既舅父舅母表弟表妹添，各位身體健康就最好啦~哈哈!當天在酒樓食的芝麻糊簡直加晒料啦，我食到有個透明膠袋的角落頭，我媽咪就食到粉絲~真係搞野!

大眼雞蕃茄薯仔湯

time02005 — Wed, 18 Feb 2009 15:11:40 +0800

今日煲大眼雞湯,忘記叫漁檔去皮,要在家脫

大眼雞蕃茄薯仔湯

材料：大眼雞兩條(約十両重)，蕃茄兩個，薯仔一個，薑一塊，葱(或芫茜)一棵。

調味料：鹽2/3茶匙，糖1/3茶匙。

做法：[一]魚去皮(叫魚檔代勞)，用廚剪修齊魚鰭及魚尾(將背鰭拉開，使容易修剪)，刮淨魚肚污物，沖淨抺乾，蕃茄及薯仔去皮切厚塊，薑去皮洗淨略拍扁，葱洗淨切碎，各材料備用。

[二]水八碗煮滾，加入蕃茄及薯仔小火先煮著。

[三]另爐起鑊下油兩湯匙，爆香薑，下魚用中火每面煎五分鐘至呈金黃色熄火，灒入滾水兩碗(此法可將魚去油，若不嫌油多可將魚煎好後直接加入湯內)，隨即將魚撈起放入湯內，轉中火滾四十分鐘，加入調味料及葱粒略滾片刻即成。

註：大眼雞即木棉魚，鮮味十足，是滾魚湯的好材料，亦可配豆腐滾湯，湯呈奶白色，非常鮮甜。木棉魚分齊尾及長尾兩個品種，滾湯用的是長尾，齊尾多用作潮州魚飯。

情人節菜單

time02005 — Sat, 14 Feb 2009 16:56:02 +0800

麥米粥(買現成一包包加水及冰糖即成)
或參考下列份量
糯米 60克
小麥 40克
花生 30克
片糖 3片
水 3公升

做法
1~浸軟糯米、小麥(4小時或過夜)，洗淨。花生略為沖洗，瀝乾待用。
2~將糯米、小麥及花生放入煲中，加入清水，煮滾後改用小火，煲至材料夠腍及收水至大約1.5公升。

蚵仔煎
蠔仔半斤
蕃薯粉 2 TABLE SPOON/ 麵粉
雞蛋 2隻
水半杯
葱、莞茜、胡椒粉適量
鹽少許
魚露隨各人喜歡

做法
1~蠔仔用少少鹽+生粉洗淨(此步驟雖重覆幾次)，飛水，用紙整乾D水
2~蛋、薯粉、水、葱粒、莞茜、蠔仔用鹽、胡椒粉，倒埋一齊及搞勻
3~易潔鑊放油，倒入蠔仔蛋漿，煎到兩面金黃色上碟，加芫茜作裝飾
4~點D魚露同食

**煎蠔餅要加入芫茜及葱才好吃~味道充滿層次感~連唔太喜歡芫茜的老公也很鍾意這種食法!魚露我最後沒有加的，但也很好食!

就快到情人節啦~

time02005 — Tue, 10 Feb 2009 13:24:49 +0800

各位靚仔靚女快到情人節了,諗好節目未呢~ 今年情人節真好剛是星期六可以玩夜d都得,我就諗好當日會著中式晚飯,呵呵~你無睇錯係中式,原本有諗過著西餐,但又係意粉,牛扒...所以今年黎個中式,我會煎蠔餅、菜及糖水(麥米粥),以上菜式除左菜之後其他都係第一次煮,又係白老鼠時間~呵呵!!煎蠔餅係覺得街果d好多油,又怕唔乾淨唔夠膽食,而麥米粥實在太耐無食過啦,一定要煮下,都唔明點解咁少地方有麥米粥食既?~原本我想煮梳乎厘,因為我上次唔知叫失敗定成功,所以決定出街食過先再整!

到時整完upload d相畀你地睇啦~唔知會變成咩樣呢!hehehehe^^

錫我既老公

time02005 — Mon, 09 Feb 2009 18:05:03 +0800

我老公真係好錫我嫁,每次都會有一個好好的方法去幫我,就晒我~HEHEHE^^呢D野只有我倆才知道~

聖誕節

time02005 — Sun, 28 Dec 2008 22:58:00 +0800

薑餅人(男1)

薑餅人(男2)

薑餅人(女)

(待涼中)

(閱讀全文)

製作芒果布甸

time02005 — Mon, 30 Jun 2008 08:51:17 +0800

下午照住上次post果個食譜黎做芒果布甸,煮好了,發覺太甜(我老公話ok),淡奶太多,整左出黎效果不是太滑,本人認為她的食譜不可以盡信。
晚上和老公整蘿蔔壽司,看看照片吧！哈哈,還有個特大飯團添！~

為左整呢兩樣野,今日成個下午周圍走去買野,特別是芒果啫喱粉,不知點解屯門兩間都無,反而百佳大把,之前已發現梅粉,但最後沒有買,HOHO今次忍唔住都係買左啦~

(閱讀全文)

醃子薑

time02005 — Thu, 26 Jun 2008 08:41:19 +0800

今天照著蘇施黃的醃子薑食譜來整,
結果出奇地好食,
開心到飛起,
第二天拿給媽媽吃,
她很鍾意食的,
每次到壽司店必食,
各朋友如果想d子薑變紫一些,
可以在d醋仲暖既時候,
放入去子薑裡,
若想整的話,
可以去youtube打"醃子薑"或有線網頁,
便可以按食譜照住做了。

至愛的芒果布甸

time02005 — Wed, 25 Jun 2008 14:31:38 +0800

昨晚在亞視晚上七時半的節目，講點整芒果布甸，睇到都想食呀~~!

(閱讀全文)

終於訂到濱崎步演唱會啦~

time02005 — Tue, 24 Jun 2008 08:58:55 +0800

晨早起身為左可以透過恒生訂購AYUMI的演唱會門票,八點幾開始試,還未可以訂,到了九時許,終於可以開放畀人訂,好了,我打晒所有資料,準備按最後一個掣確認,誰知城市電腦售票網,因頂唔順我地一齊訂票,而出現線路繁忙~

唉~只差一步就得啦,咁都死左~

如是者不停地試,城市個網死得好勁下,LOAD到一頁,又LOAD唔到D圖,

直到一點幾,終於成功購票

開心到飛起,幾年前特登飛往台灣睇安室奈美惠的演唱會,

雖然我不是濱的FANS,但因為好想感受下D氣紛,

難得又係香港開,所以超想睇下~HAHAHA去WET下先~

遲來的OSAKA~HONEYNOON照片

time02005 — Sat, 21 Jun 2008 11:16:35 +0800

下雨中的香港機場乘撘國泰航空飛機餐

(閱讀全文)

渡蜜月~日本

time02005 — Tue, 01 Apr 2008 23:06:59 +0800

今次我們到日本主要是去大阪、京都、奈良...
其實我們上一次也是到這些地方，只係去番d上次想去，但又未去的地方。
第一天~香港→大阪，早上在屯門公路塞車，好彩一早在網上辦理登機手續。d飛機餐好好食~!飛機上還睇左少女孕記添~!到大阪後便自行買火車票到酒店，今次撘特急，超快，半小時便到逹難波。
到心齋橋的酒店~conford hotel，呢間酒店好過富士屋，雖然同是三星酒店，但服務員的英文聽得明，而且沒有和富士屋的人態度那麼串。conford hotel主要做商務客，還可以在這裡上網，只是你有手提電腦，可以無線或有線上網都得，下午三點至唔記得幾點有免費coffee飲。
第二天~神戶~早餐conford hotel比富士屋好好多，有飯團(每天不同款)、沙律、生果、飽、腐皮壽司、奶、粟米片、可可米、coffee、燈汁、煎茶粉、沖湯粉、乳酪....好啱食~
我地去左手塚治蟲館、日清杯麵博物館，在日清果度我地食左三個杯麵，仲買左一個番香港，還製作了自己的杯麵

第三天~奈良~奈良公園餵鹿，其中一隻鹿還用頭頂我件衫，初時沒有旅客餵鹿，但佢地見到我餵得咁開心，便很多人買餵鹿食的餅。還見到有香港人在這樣拍婚紗相呀！拍埋d櫻花好靚呀！另外果度d寺廟周地都是鹿屎，當地還有一款手信朱古力的形狀和他們的屎一樣大小的。哈哈！

第四天~京都~嵯峨野小火車、渡月橋...在這裡食了很多炸物，炸得很好食！在火車上拍了很多相~正~!

第五天~京都~清水寺，這裡只是為了買手信，當天下著雨，沒有心情怕照

第六天~大阪~黑門市場、大阪城，大阪城是烏鴉的集中營，在城上有十多隻的，有人在餵雀，順勢影相~!good!在大阪機場時，空姐說國泰的機位full左，問我地可唔可以轉第二日的十點機坐business class包酒店，好彩我地一早網上辦理登機手續，如果唔係就慘lu~!
d飛機餐好好食~!

**今次自由行在專業訂的,由於富士屋d房爆晒，之後見東羸遊有此hotel就經專業book啦！
不過專業的分店間間唔同價，記得搵荔枝角的甘小姐，佢好好人跟得好足。

婚後旅遊記~福建~ 21-25/3/2008

time02005 — Tue, 25 Mar 2008 22:59:04 +0800

這幾天和老爺奶奶老公等一起到福建祭祖，晚上乘夜車到福建，撘了差不多八小時，由於今次我們一行十幾人，所以旅遊巴送到村門口。
祭祖時，他們會放炮仗，很強呀！好彩我們的褸有帽子，因為夾著衣服也彈到。

**由於4月6日才update個blog所以簡單記錄