又到兩星期後的檢查日子了，不知BB轉頭了沒有?心情有點興奮及緊張，因為檢查後再聽一個母乳講座，聽講座前再去了母嬰健康院的網頁睇影片溫習一下。

今天只有我獨個兒去到母嬰健康院檢查，感覺很興奮，又再一次碰到IVE的舊同學，她和她的媽媽或奶奶坐在我的前一行，無意間聽到她說已經三十七週了，下星期已經三十八週，她的BB已經落了產道的五分之幾了，估不到她的預產期比我早那麼多，之前還想會不會在產房見到她呢?但現在知道了，便不想在產房見到她，原因是我見到她一是我早產，一是她遲產，我不想看到這個局面。

到了摸BB的大小及轉同的時候了，姑娘說BB大小沒有問題，心跳正常，頭仔也轉了(姑娘認真地摸了兩次，可能她怕自己摸錯吧！)BB個頭轉了很開心呀!等了一會又到另一間房見姑娘，姑娘一見到我便說你還穿牛仔褲，我說這是大肚褲呀─我還"軒"起小小件衫給她看，哈哈！她說我的體重增長非常好，現在已經是66.9KG了，比上兩星期重了約1KG。而BB的頭仔到三十四週才轉定，心想我在網頁都已經看過很多資料，所以都明白了。很快便可以約三星期後檢查啦!(原本應該是兩星期一次的，但剛下星期是復活節假期，再下星期會很多人檢查的，所以姑娘見我各樣都非常正常，所以建議我三星期後才檢查吧！)

檢查完畢後，便等一會的母乳講座，先看影片、再看投影片、之後姑娘再略加解釋和示範，待姑娘示範完畢後，我們便可以穿著一條圍裙，上面做了一個小手工，你們估一下是什麼手工吧！哈哈~再拿起人型公仔跟著姑娘做一次，姑娘再看看姿勢是否正確，估不到我都幾熟手，一抱就成功，就是這樣就完成了一個講座了。之前還怕自己不太明白，但原來也不難的，希望都真實的情況也做得好!

不經不覺已經踏入懷孕的後期了，阿B快將出世，既期待又緊張，我的體重已經有65.9KG，好似好嚇人呢~但其實我前前後後只係重左六至七KG，証明我未懷孕前幾重呢~HAHAHA!姑娘說我的體重進展很好，沒有過重。另外，今日姑娘除左聽胎心之外，仲摸下阿B個頭仔轉左落黎未，結果係仲未轉落黎，仲話會腳仔出先，我心諗乜咁快轉嫁咩??跟住佢話仲有幾個星期睇下阿B轉頭仔。

返到屋企上網睇，D人話一般廿九週或三十週已經轉左，但可能會再反轉向上的，因為個肚仲有位，有D人呢就都三十四週先轉，睇完之後都無咁擔心，應該話我唔擔心，相反我老公擔心D~HEHEHE!

現在廿七週五日心情唔錯,有時都幾大食特別係午餐,食飽後會好快覺得肚餓,HAHAHA~晚上有時會抽下筋,因為未有阿B之前都會間中有小腿抽筋,所以對我影響不大,只要一抽筋隻腳板撐去牆就舒服晒!HEHEHE~

老公好好呀,生日同我去左BBQ,之後上星期又去左食壽司~各位唔好見到我打壽司和BBQ兩樣就嚇親,因為BBQ唔會燒到好燶,我實在忍得太辛苦,妞左好耐計嫁啦hehehehe。至於食壽司就係去屯門卓爾居果間名將,先黎一碗烏冬,再叫左d熟既壽司,老實講見到d三文魚、墨魚、蟹子、海膽呀,好慘呀~有得睇無得食!不過都好過無啦~止住引先kakaka~

仲有一個願望就係去唱k,趁而家做緊七折,遲下會去的~到時阿b又唔知會唔會起勁地踢我呢~講開阿b踢踢,上星期六晚上睇海角七號踢到我老公都話佢勁,我就覺得有d辛苦,不過又好開心~佢活潑我就開心^^

阿b仲有三個月就出世啦,今日開始準備走佬袋,執執下都幾大袋,我諗有d份量要減半先得~

今日煲大眼雞湯,忘記叫漁檔去皮,要在家脫 

大眼雞蕃茄薯仔湯

材料：大眼雞兩條(約十両重)，蕃茄兩個，薯仔一個，薑一塊，葱(或芫茜)一棵。

調味料：鹽2/3茶匙，糖1/3茶匙。

做法：[一]魚去皮(叫魚檔代勞)，用廚剪修齊魚鰭及魚尾(將背鰭拉開，使容易修剪)，刮淨魚肚污物，沖淨抺乾，蕃茄及薯仔去皮切厚塊，薑去皮洗淨略拍扁，葱洗淨切碎，各材料備用。

[二]水八碗煮滾，加入蕃茄及薯仔小火先煮著。

[三]另爐起鑊下油兩湯匙，爆香薑，下魚用中火每面煎五分鐘至呈金黃色熄火，灒入滾水兩碗(此法可將魚去油，若不嫌油多可將魚煎好後直接加入湯內)，隨即將魚撈起放入湯內，轉中火滾四十分鐘，加入調味料及葱粒略滾片刻即成。

註：大眼雞即木棉魚，鮮味十足，是滾魚湯的好材料，亦可配豆腐滾湯，湯呈奶白色，非常鮮甜。木棉魚分齊尾及長尾兩個品種，滾湯用的是長尾，齊尾多用作潮州魚飯。

麥米粥(買現成一包包加水及冰糖即成)
或參考下列份量
糯米 60克
小麥 40克
花生 30克
片糖 3片
水 3公升

做法
1~浸軟糯米、小麥(4小時或過夜)，洗淨。花生略為沖洗，瀝乾待用。
2~將糯米、小麥及花生放入煲中，加入清水，煮滾後改用小火，煲至材料夠腍及收水至大約1.5公升。

蚵仔煎
蠔仔 半斤
蕃薯粉 2 TABLE SPOON/ 麵粉
雞蛋 2隻
水 半杯
葱、莞茜、胡椒粉 適量
鹽 少許
魚露 隨各人喜歡

做法
1~蠔仔用少少鹽+生粉洗淨(此步驟雖重覆幾次)，飛水，用紙整乾D水
2~蛋、薯粉、水、葱粒、莞茜、蠔仔用鹽、胡椒粉，倒埋一齊及搞勻
3~易潔鑊放油，倒入蠔仔蛋漿，煎到兩面金黃色上碟，加芫茜作裝飾
4~點D魚露同食

**煎蠔餅要加入芫茜及葱才好吃~味道充滿層次感~連唔太喜歡芫茜的老公也很鍾意這種食法!魚露我最後沒有加的，但也很好食!

各位靚仔靚女快到情人節了,諗好節目未呢~ 今年情人節真好剛是星期六可以玩夜d都得,我就諗好當日會著中式晚飯,呵呵~你無睇錯係中式,原本有諗過著西餐,但又係意粉,牛扒...所以今年黎個中式,我會煎蠔餅、菜及糖水(麥米粥),以上菜式除左菜之後其他都係第一次煮,又係白老鼠時間~呵呵!!煎蠔餅係覺得街果d好多油,又怕唔乾淨唔夠膽食,而麥米粥實在太耐無食過啦,一定要煮下,都唔明點解咁少地方有麥米粥食既?~原本我想煮梳乎厘,因為我上次唔知叫失敗定成功,所以決定出街食過先再整!

到時整完upload d相畀你地睇啦~唔知會變成咩樣呢!hehehehe^^

我老公真係好錫我嫁,每次都會有一個好好的方法去幫我,就晒我~HEHEHE^^呢D野只有我倆才知道~

LUNCH,如常到屯門市中心一酒樓食飯之後去檢查,正有得食燒肉飯,原本無得食的,因為熱氣,後來老爺說唔食塊皮就無問題啦~HEHEHE多謝老爺^^

食飽飽就去檢查了,1號房驗尿、磅重、量血壓,又重左2公斤左右,小便正常,再去2號房聽心跳,等待途中仲見到以前IVE F.C.的同學,我雖然唔記得佢叫咩名,但見到佢張表先知佢個中文名,我同佢打左招呼都未問佢幾時預產期就到佢聽心跳LU,HAHAHA^^到我啦,我同姑娘講昨天開始好似感覺BB動少左,佢話應該正常有10次,之後話可能要見醫生,心跳正常,再去3號房見姑娘,佢又話而家呢個週數無定義動幾多下,如果擔心就按排我去見下醫生,我又話早上小便較深色,又話正常,同佢講埋要產前運動的單張,佢有畀我,但態度麻麻,問我仲有無野要問呀,呢個姑娘頂佢唔順囉,之後話畀我知個血壓有D高,叫我再量過,量完就無問題了,再等一陣見醫生~

到見醫生,入到房有3個咁多,我估一個有經驗,兩個應該係剛畢業既,講左畀佢地知我BB好似動少左,同埋小便既問題,小便就話如果只係早上一次係咁就OK,望下我隻眼仔有無黃,無黃即無肝病,BB動少左就話BB都太細了,同埋而家無定義動幾多下,如果發覺無動就去急症室,之後醫生再聽下BB的心跳都正常,之後走得,6星期後再檢查~

上次的事已經解決了,謝謝關心~

昨晚老公和同事傾電話，他的同事原來也和我一樣是六月預產期，不過我月頭，她月尾，聽了很多搞笑的東西，她和好多人一樣都是估我今胎是男嬰，但上次的超聲波說多數是女嬰，hahaha,而我又估計她懷的是男，但到現在都發覺唔到男性生殖器官，估計都是女^^

她和我們一樣都想女多過男，hahaha，結為金蘭姊妹?^^好搞笑~

前幾天的晚上，發覺bb特別活躍，哈哈哈!^^我快快叫老公把手放在我的肚皮上，但我老公把手放上去後，bb不動，哈哈!再等多一會，終於都動了一下，我問老公感覺到嗎？他說感覺得了，真開心！

很多時候只有我感覺到，但一放雙手在肚皮上又未必感覺到，真的要天時地理人和的，呵呵^^好像老公感覺到bb動之後的一天，我的手就感覺到bb今次不是feel到他的手仔，而是好大的物體，好像是他的頭或pat pat，因為真係好大嫁，同平時好唔同的~