時間過得真快,又到三十九週了,老公由5月30日開始放大假到6月1X日,他怕BB早出世,所以特登早D放假~但點知衰小豬B還未出世呢!
今次檢查比上次重了0.2KG(即係70.2KG),血壓,心跳,同尿尿都好正常,都只係腳腫啫,不過都好過之前少少嫁啦!之前連著拖鞋都有D果難,而家好好多LU~姑娘話如果下星期一再檢查都未生得會安排見醫生!小豬B你快D出世啦~係咪在我肚內好食好住唔想出黎呢!我唔比好野你食嫁,你出黎咪可以食到美味既母乳囉!HAHAHA!我唔想下星期一再檢查啦!你快D出世啦!
講回檢查過程，也是和以前一樣檢查體重、驗尿、量血壓、聽胎心、摸下個肚仔睇下小豬B係邊、睇下有無腳腫、最後見姑娘。今次體重比上次重了一公斤(69.1)，姑娘話重得好好，但腳就有腫，要少食鹹野，訓覺抬高雙腿，唔好行咁多，得閒要轉姿勢，小豬B落左少少產道，我問落左產道係咪好快生得，姑娘話個個唔同~其他各樣都無問題啦!下星期一再去檢查，到時老公可以陪我啦!因為咁啱佢個主任可以比佢放星期一(平時係唔比既)，超開心!^^呵呵!
不經不覺又到三十四週的檢查了,磅重(68.1KG)、驗尿、量血壓，之後被姑護叫去另一個房間聽準備入院講座(初時還以為什麼事去九號房等,後來有另一位產婦話給我知的XP)。姑娘給了我們(計埋我四個人)一份單張，說我們已經三十四週或以後之產婦了，要注意一些事項，例如：三十七週才算足月、計胎動次數、準備入院用品及嬰兒用品、BB出院後要預約檢查等等事項，還說今天我們要見醫生，之後便可以取回自己的全份產前紀錄(之前在放在母嬰健康院的)，姑娘叮囑我們要隨身攜帶，因隨時可以生得，以便醫務人員知道。見醫生時，醫生先檢查有沒有水腫、摸BB頭、聽胎心，之後就完成檢查(好似比平日更求奇)，醫生說我有好少好少水腫，叫我唔好食咁咸及睡覺時抬高雙腳，等叫番在預約窗口取回紀錄及檢查咭便走得了。
今早到母嬰健康院參加嬰兒沐浴樂的講座,也算多人,當中還有一個男醫生,他木口木面的~有的和老公一起參加講座添!因老公放不到假,所以無辦法啦,要自己一個聽吧!
首先準備物品有：
1. 沖涼液
2. 大毛巾1-2條
3. 紗巾1條
4. 凍滾水弄濕的綿花球最少8個(眼睛每邊一個，面珠至下巴每邊一個，額頭至面尖每邊一個,最後在耳瞉及耳背也要每邊一個)
5. 凍滾水弄濕的綿花捧2支
6. 凍滾水弄濕的綿花/ 濕紙巾(用來抺PAT PAT)
7. 用來放4-6物品的器皿(兜仔)
8. 浴盆
9. 衫仔(如果2件或以上,請預先套好)
10. 凡士林
11. 尿片
12. 暖爐 (冬天時使用)
13. 潤膚霜 (乾燥等，需要時用)
方法
沖涼時間(飯前)─ 冬天 (下午有陽光時，關窗，開暖爐)
─ 夏天 (下午或晚上均可，關窗)
1. 當準備好以上的物品後， 先放凍水後加熱水，水位都BB的肚臍左右(當BB大些，自己又熟習幫佢沖涼可放多些水)，用手肘試水溫
2. 把大毛巾放在桌上，再把BB放在大毛巾上，把BB包好身及腳
3. 左手從後扶住BB的頭仔及頸，右手捉住BB腳仔，把腳仔放在自己液下夾實，再用右手(或用紗巾)弄濕BB的頭仔，用少少沖涼液，之後過水洗淨，略略抺乾頭仔。
(如果手大可以用左手把BB的耳仔反起，避免有水入耳)
(另外，如有頭泥(是BB的油脂造成的)，需於洗澡前1-2小時用橄欖油塗整個頭仔，過幾日後會一片片地脫落)
4. 放回桌上，脫尿片，如有便便，需用凍滾水弄濕的綿花或濕紙巾清理好。左手從後捉住BB的左手手臂，左手的前臂應剛好托著BB的頭和頸的位置。右用便捉住雙腳或右用從底部捉住BB的左腳的大腿，剛好托住BB的右邊大腿。
5. 放BB落水，小心清洗BB的摺著的地方(例如頸下、手臂、手趾、腳肘、腳趾、陰道和大腿之間)
6. 到清洗背部，小心用右手捉住BB左手的前面手臂，托住BB的頭和頸部位置，左手扶住PAT PAT，把BB反過來，幫BB洗背部及PAT PAT。
7. 洗好再將BB反回面向上，左手從後捉住BB的左手手臂，左手的前臂應剛好托著BB的頭和頸的位置。右手扶住PAT PAT，之後可以用右手捉住腳仔上水。
8. 放BB在大毛巾上抺乾身體，用凍滾水弄濕的綿花球抺好眼仔(由內至外)，面珠仔至下巴，額頭至面尖，耳瞉及耳背 (以上到是左右各一個綿花球，一次性地抺，不要重覆來回抺)*抺面仔有點似平時大人洗面的步驟。
9. 幫BB的PAT PAT塗上薄薄一層凡士林，防止PAT PAT紅(現在不會用爽身粉，因為尿尿和爽身粉相遇時，像麵粉一樣”痴”住PAT PAT會令PAT PAT變紅)，包好尿片。
10. 用凍滾水弄濕的綿花棒(以前用火酒抺，而家凍滾水便可)抺乾淨肚臍(臍帶底部)，直至分泌物減少為止，所以可能需要數根綿花棒。(每次綿花棒只可抺一個圈)
11. 天氣乾燥或有需要時可幫BB塗上潤膚霜，之後再放BB在預先套在一起的衣服上。
12. 著衫仔 ─ 可先著左邊先(隨個人喜歡)
自己用手(如左手)捉著BB的左手，而自己另一隻手(右手)用三根手指(母指、食指，中指)放在BB的衫袖口取之前用左手捉著BB的左手(用來固定BB的手仔，防止自己大力弄傷BB的手)，用自己的左手慢慢把衣服套弄下去。
右邊也是這樣做。
13. 把BB的衣服綁好，便完成了。
14. 如有鼻屎，可把綿花弄濕，猜成"鑼"旋形，沾出鼻屎，如果唔得就唔好整啦!
*BB如果打咳嚏是正常，原因是BB未有鼻毛，當有塵時，便會有此自然反應。
**另外，若流眼水和鼻水同時出現也是正常。
***還有，要知BB夠唔夠暖，只要摸BB的手心或腳心是否暖(手指或腳趾冷也是正常，原因是血液未必流到這些位置，只要手心或腳手暖便可)，若頸等位置"痴泣泣"便是過熱了。
